📰 “मुल शहरात ₹173.91 कोटी खर्चाने शासकीय तंत्रनिकेतन मंजूर – आमदार सुधीर मुनगंटीवार यांनी दिलेला शब्द केला पूर्ण!”

📰 “मुल शहरात ₹173.91 कोटी खर्चाने शासकीय तंत्रनिकेतन मंजूर – आमदार सुधीर मुनगंटीवार यांनी दिलेला शब्द केला पूर्ण!”

मुल, ता. चंद्रपूर :-  राज्याचे माजी वने व सांस्कृतिक कार्य मंत्री तथा आमदार सुधीर मुनगंटीवार यांच्या सातत्यपूर्ण प्रयत्नांना यश मिळाले आहे. राज्य मंत्रिमंडळाने मुल शहरात ₹173.91 कोटी खर्चाने 300 विद्यार्थ्यांच्या प्रवेशक्षमतेचे शासकीय तंत्रनिकेतन सुरू करण्यास मंजुरी दिली आहे.

News reporter :- अतुल दिघाडे

या निर्णयामुळे मुल व परिसरातील विद्यार्थ्यांना आपल्या शहरातच गुणवत्तापूर्ण तांत्रिक शिक्षणाची संधी उपलब्ध होणार आहे. यामुळे शिक्षणाबरोबरच रोजगाराच्या नव्या दालनेही स्थानिक युवकांसाठी खुली होणार आहेत. वाढत्या औद्योगिक विकासाच्या पार्श्वभूमीवर या तंत्रनिकेतनामुळे मुल तालुक्याचा शैक्षणिक व औद्योगिक चेहरामोहरा बदलण्याची शक्यता व्यक्त केली जात आहे.

मुलच्या शैक्षणिक विकासासाठी मैलाचा दगड ठरणारे हे पाऊल असल्याचे स्थानिक नागरिकांनी नमूद केले असून, आ. सुधीर मुनगंटीवार यांनी दिलेला शब्द प्रत्यक्षात पूर्ण केल्याबद्दल त्यांच्याप्रती कृतज्ञता व्यक्त केली आहे.

राज्य सरकारच्या या निर्णयामुळे विद्यार्थ्यांना स्थानिक पातळीवर तांत्रिक शिक्षणाची संधी मिळून रोजगारनिर्मितीच्या नव्या शक्यता निर्माण होतील, असा विश्वास नागरिकांनी व्यक्त केला आहे.

🗣️ नागरिकांचे मत:

“आमदार मुनगंटीवार यांनी दिलेला शब्द पाळला. मुल शहराच्या विकासाच्या दिशेने हे ऐतिहासिक पाऊल आहे,” असे मत स्थानिकांनी व्यक्त केले.