📰 चंद्रपूर महाऔष्णिक वीज केंद्रात मोठी हालचाल १६ अधिकारी-कर्मचार्याची एकाच वेळी बदली

📰 चंद्रपूर महाऔष्णिक वीज केंद्रात मोठी हालचाल १६ अधिकारी-कर्मचार्याची एकाच वेळी बदली

चंद्रपूर :- महानिर्मिती अंतर्गत कार्यरत असलेल्या चंद्रपूर महाऔष्णिक वीज केंद्रातील १६ अधिकारी व कर्मचाऱ्यांना २८ फेब्रुवारी २०२६ रोजी दुपारनंतर कार्यमुक्त करण्याचे आदेश मुख्य अभियंता कार्यालयाकडून जारी करण्यात आले आहेत. संबंधित अधिकाऱ्यांची राज्यातील विविध औष्णिक तसेच जलविद्युत प्रकल्पांवर बदली करण्यात आली असून त्यांना तातडीने नवीन पदस्थळी रुजू होण्याच्या सूचना देण्यात आल्या आहेत.

News reporter :- अतुल दिघाडे

मुख्य कार्यालयाच्या आदेशानुसार काही अधिकाऱ्यांना पदोन्नतीच्या अनुषंगाने तर काहींना प्रशासकीय कारणास्तव इतर प्रकल्पांवर नियुक्त करण्यात आले आहे. चंद्रपूर वीज केंद्रात दीर्घकाळ कार्यरत असलेल्या या अधिकाऱ्यांच्या बदल्यांमुळे प्रशासनिक हालचालींना वेग आला आहे.

कार्यमुक्त होणारे अधिकारी-कर्मचारी

कार्यमुक्त करण्यात येणाऱ्यांमध्ये राजेश एस. मगरे, रवी ग. राठोड, स्नेहा एस. वासाडे, श्रीकांत पी. कलोरे, सुशांत एस. वडाळकर, नितीन सी. काळे, रवींद्र व्ही. धांडे, रामप्रसाद डी. राठोड, गणेश एल. लहाने, सुनील एम. सुरपम, मारोती एच. झाडे, शांताराम एन. करमरे, राहुल बी. किर्तने, प्रशांत बी. सोनोने, पूजर व्ही. थिप्पेस्वामी आणि विजय बी. रामटेके यांचा समावेश आहे.
यामध्ये अतिरिक्त कार्यकारी अभियंता, उपकार्यकारी अभियंता तसेच सहाय्यक अभियंता पदावरील अधिकाऱ्यांचा समावेश आहे.

कुठे झाली पदस्थापना?

सदर अधिकाऱ्यांची बदली राज्यातील विविध वीज प्रकल्पांवर करण्यात आली असून त्यामध्ये पारस, भुसावळ, खापरखेडा, कोराडी, नाशिक, परळी तसेच वैतरणा येथील औष्णिक व जलविद्युत केंद्रांचा समावेश आहे. मुख्य कार्यालयाच्या ११ जून २०२४, २२ मे २०२५ आणि १४ ऑगस्ट २०२५ रोजीच्या आदेशांच्या अनुषंगाने ही प्रक्रिया राबविण्यात आली असल्याचे सांगण्यात आले आहे.

साहित्य व गाळे जमा करण्याच्या सूचना

कार्यमुक्त होताना संबंधित अधिकारी-कर्मचाऱ्यांनी त्यांच्या नावावर असलेले सर्व शासकीय साहित्य, ओळखपत्रे व इतर वस्तू विभागप्रमुखांकडे जमा करणे बंधनकारक करण्यात आले आहे. तसेच कंपनीकडून देण्यात आलेले गाळे त्वरित रिकामे करून त्यांचा ताबा स्थापत्य सुव्यवस्था विभागाकडे देण्याच्या सूचना देण्यात आल्या आहेत.

यासोबतच महानिर्मितीकडून देण्यात आलेले मोबाईल हँडसेट किंवा सिमकार्ड कार्यकारी अभियंता (तांत्रिक) यांच्याकडे जमा करणे आवश्यक असल्याचे आदेशात नमूद आहे.

गोपनीय अहवाल पूर्ण करणे बंधनकारक

चालू वर्षातील गोपनीय अहवालाशी संबंधित कर्मचारी मूल्यांकन, प्रतिवेदक, प्रतिस्वाक्षरी व स्वीकृती अधिकारी या नात्याने असलेल्या सर्व जबाबदाऱ्या पूर्ण केल्याची खात्री झाल्यानंतरच संबंधितांना कार्यमुक्त करण्यात येणार असल्याचेही स्पष्ट करण्यात आले आहे.

दरम्यान, आदेशातील सर्व अटी व शर्ती कायम राहणार असून संबंधित नोंदी १ मार्च २०२६ नंतर सॅप प्रणालीमध्ये करण्यात येणार असल्याचे मुख्य अभियंता कार्यालयाने सांगितले आहे.