🔥 विदर्भस्तरीय तेली समाजाच्या भव्य वधू-वर परिचय मेळाव्यात आ,सुधीर मुनगंटीवार व खा,प्रतिभा धानोरकर एकाच मंचावर; राजकीय वर्तुळात चर्चांचा भडका!

🔥 विदर्भस्तरीय तेली समाजाच्या भव्य वधू-वर परिचय मेळाव्यात आ, सुधीर मुनगंटीवार व खा,प्रतिभा धानोरकर एकाच मंचावर; राजकीय वर्तुळात चर्चांचा भडका!

चंद्रपूर :-  शहरातील महापौरपदाच्या चर्चांना आधीच उधाण आलेले असताना, त्यात आता नव्या राजकीय समीकरणांची भर पडली आहे. चांदा जिल्हा संताजी शिक्षण प्रसारक मंडळ, चंद्रपूर यांच्या वतीने आयोजित विदर्भस्तरीय तेली समाजाच्या भव्य वधू-वर परिचय मेळाव्यात भाजप नेते आणि काँग्रेसच्या खासदार हे दोघेही एकाच मंचावर दिसल्याने राजकीय वर्तुळात चर्चांचा अक्षरशः भडका उडाला आहे.

News reporter :- अतुल दिघाडे

संत जगनाडे महाराज सभागृह, मुल रोड येथे झालेल्या या कार्यक्रमात उपवर-उपवधूंना शुभेच्छा देताना समाजातील एकता, आपुलकी आणि परस्पर विश्वास हीच प्रगतीची खरी पायाभरणी असल्याचा विश्वास व्यक्त करण्यात आला. मात्र, कार्यक्रमाच्या सामाजिक स्वरूपापेक्षा राजकीय उपस्थितीवरच अधिक चर्चा रंगताना दिसली.

संत विचारांचा जागर

कार्यक्रमात संत जगनाडे महाराज यांच्या कार्याचा गौरव करताना त्यांच्या समतेच्या आणि समाजजागृतीच्या विचारांचा उल्लेख करण्यात आला. त्यांच्या स्मरणार्थ विविध विकासकामांसाठी निधी उपलब्ध करून देण्यात आल्याचे सांगण्यात आले. सदुंबरे येथील तीर्थक्षेत्रासाठी निधी, त्यांच्या नावाचे पोस्ट तिकीट काढण्यासाठी पुढाकार, बुरकोनी येथील अभ्यासिकेचे लोकार्पण आणि पोंभुर्णा येथे सभागृहासाठी मंजूर निधी यांचा उल्लेख करण्यात आला.

राजकारण की सामाजिक एकजूट?

महानगरपालिकेत ‘महापौर कोणाचा?’ या चर्चेला आधीच धार आली असताना, भाजप आणि काँग्रेसचे दोन प्रभावी चेहरे एकाच मंचावर आल्याने विविध तर्क-वितर्कांना उधाण आले आहे. हे केवळ सामाजिक ऐक्याचे प्रदर्शन होते की भविष्यातील राजकीय समीकरणांची नांदी? असा सवाल आता राजकीय विश्लेषक उपस्थित करत आहेत.

कार्यक्रमाला अध्यक्ष डॉ. वासुदेव गाडेगोणे, उपाध्यक्ष डॉ. अनंत हजारे, सचिव रमेश भुते, कोषाध्यक्ष अजय वैरागडे, सहसचिव प्रा. शामसुंदर धोपटे, डॉ. नरेंद्र कोलते, मनोहर बेले, ॲड. अनिल गिरडकर, यश बांगडे, सुदर्शन भुते, अभय घटे, विकास गोठे आदी मान्यवर उपस्थित होते.

चर्चांचा केंद्रबिंदू

चंद्रपूरच्या राजकीय पटावर आधीच सुरू असलेल्या सत्तासमीकरणांच्या चर्चेत या एका मंचावरील उपस्थितीने नवा ट्विस्ट दिला आहे. आगामी राजकीय हालचालींचा हा इशारा आहे की निव्वळ सामाजिक बांधिलकी? शहरात मात्र या ‘एकाच मंचा’ची चर्चा जोर धरताना दिसत आहे.