चंद्रपूर महानगरपालिका सार्वत्रिक निवडणूक २०२६ : एकोरी प्रभाग क्र. १० मधून ‘जनतेच्या मनातील’ भावी नगरसेविका — सौ. दिपा ललित कासट
चंद्रपूर :- चंद्रपूर महानगरपालिकेच्या आगामी सार्वत्रिक निवडणुका २०२६ पार्श्वभूमीवर एकोरी (विठ्ठल) प्रभाग क्रमांक १० मध्ये राजकीय वातावरण तापू लागले असून, या प्रभागातून सामान्य नागरिकांच्या मनात विशेष स्थान निर्माण करणारे नाव म्हणजे . वर्षानुवर्षे समाजाच्या प्रत्येक घटकाशी थेट जोडलेली नाळ, संकटात धावून येण्याची वृत्ती आणि निस्वार्थ सेवाभावामुळे दिपा ताई कासट आज ‘भावी नगरसेविका’ म्हणून नागरिकांच्या ओठांवर आहेत.
News reporter :- अतुल दिघाडे
सामाजिक कार्य, शिक्षणविषयक उपक्रम आणि नागरिकांच्या दैनंदिन प्रश्नांवर सातत्याने पुढाकार घेणाऱ्या दिपा ताईंनी “पद नव्हे, जबाबदारी” या भावनेतून काम केले आहे. कोणतेही काम असो—छोटे असो वा मोठे—ताई नेहमीच समोर राहिल्या. त्यामुळेच आज प्रभागातील महिला, युवक, ज्येष्ठ नागरिक आणि पालकवर्ग यांच्यात त्यांच्याविषयी विश्वासाची भावना दृढ झाली आहे.
निवडून आल्यास, फक्त आश्वासनांवर नव्हे तर ठोस कृतीवर भर देण्याचा त्यांचा संकल्प आहे. प्रभागातील रस्ते व नाल्यांची सुधारणा, नियमित पाणीपुरवठा, शिक्षण विभागातील गुणवत्ता-वाढ, स्वच्छतेसाठी प्रभावी उपाययोजना, आरोग्य सुविधांचा विस्तार, अंगणवाड्यांचे डिजिटलायझेशन अशा अनेक गरजांवर जलद गतीने काम करून वेगळी ओळख निर्माण करण्याचे ध्येय दिपा ताईंच्या मनात आहे.
आज एकोरी (विठ्ठल) प्रभाग क्र. १० मध्ये फिरताना नागरिकांच्या चर्चेत एकच सूर ऐकू येतो—“आम्हाला अशी नगरसेविका हवी जी ऐकते, समजते आणि काम करते.” हाच विश्वास दिपा ताईंना पुढे नेत आहे. त्यामुळेच प्रभागभर भावी नगरसेविका म्हणून सौ. दिपा ललित कासट यांना मिळणारी पसंती दिवसेंदिवस अधिक ठळकपणे दिसून येत आहे.
