📰 “धम्मचक्र दिन आणि दिवाळीतही आंदोलनात उतरले कंत्राटी सफाई कामगार; चंद्रपूर महापालिकेच्या भूमिकेवर उठले गंभीर प्रश्न!”

📰 “धम्मचक्र दिन आणि दिवाळीतही आंदोलनात उतरले कंत्राटी सफाई कामगार; चंद्रपूर महापालिकेच्या भूमिकेवर उठले गंभीर प्रश्न!”

चंद्रपूर :- १५ ऑक्टोबर २०२५  धम्मचक्र प्रवर्तन दिन आणि दिवाळीसारख्या महत्त्वाच्या सणांमध्येही आपल्या न्याय्य हक्कांसाठी चंद्रपूर महानगरपालिका अंतर्गत कार्यरत नालीसफाई कंत्राटी कामगारांनी आजपासून बेमुदत कामबंद आंदोलन सुरू केले आहे. ‘कष्टकरी जनसंघ’ या कामगार संघटनेच्या नेतृत्वाखाली हे आंदोलन होत असून, महानगरपालिकेच्या बेपर्वा आणि भेदभावपूर्ण धोरणांवर रोष व्यक्त केला जात आहे.

News reporter :- अतुल दिघाडे

कामगारांच्या पाच प्रमुख मागण्या आहेत:

1 :- सर्व कामगारांना किमान वेतनानुसार मानधन देण्यात यावे.

2 :- ई.पी.एफ. (EPF) नियमाप्रमाणे नियमितपणे भरावा.

3:- मागील दोन वर्षांपासून प्रलंबित असलेला दिवाळी बोनस यावर्षी दिवाळीपूर्वी द्यावा.

4 :- सुरक्षा साहित्य नियमित पुरवावे.

5 :- दरमहा मिळणारे मानधन प्रत्येक महिन्याच्या १० तारखेपूर्वी अदा करण्यात यावे.

कामगारांच्या म्हणण्यानुसार, प्रशासनाकडे वारंवार तक्रारी करूनही कोणतीही ठोस कारवाई झालेली नाही. उलट, “तुम्ही ठेकेदाराचे माणूस आहात” असे म्हणून अधिकारी जबाबदारी झटकतात. मात्र कामाच्या वेळी हेच कामगारांना आदेश देऊन काम करवून घेतात, यावरून दुहेरी धोरण दिसून येते.

सणाच्या काळातही हातात पगार नाही, बोनस नाही आणि भविष्यासाठी काही शाश्वती नाही. त्यामुळे कामगारांची निराशा, रोष आणि अस्वस्थता वाढत आहे. महापालिकेच्या बेपर्वा प्रशासनाने या प्रश्नांकडे दुर्लक्ष केल्यास शहरातील स्वच्छतेवरही प्रतिकूल परिणाम होऊ शकतो.

चंद्रपूरकरांचे लक्ष आता एकच प्रश्न विचारत आहे –

“या दिवाळीत सफाई कामगारांना न्याय मिळणार, की फक्त आश्वासनांचे दिवे लागणार?”