🚨 वरोऱ्यात संताप उसळला! वर्धा पॉवर व जिएमआर कंपन्यांच्या प्रदूषणा विरोधात दुसऱ्या दिवशी आंदोलन सुरूच.🚨

🚨 वरोऱ्यात संताप उसळला! वर्धा पॉवर व जिएमआर कंपन्यांच्या प्रदूषणा विरोधात दुसऱ्या दिवशी आंदोलन सुरूच.🚨

चिनोरा टी पाईन्ट येथे मनसे व स्थानिक ग्रामपंचायत माजी सरपंच सदस्यांनी पुकारला एल्गार.

वरोरा :- तालुक्यातील व कंपन्यांच्या कथित जल व वायू प्रदूषणाविरोधात चिनोरा टी-पॉईंट येथे दुसऱ्या दिवशीही आंदोलन तीव्र स्वरूपात सुरू आहे. महाराष्ट्र नवनिर्माण सेनेचे पदाधिकारी व स्थानिक ग्रामपंचायतीचे माजी सरपंच-सदस्यांनी कंपन्यांविरोधात थेट एल्गार पुकारला आहे.

News reporter :- अतुल दिघाडे

२० फेब्रुवारीपासून सुरू असलेल्या या ठिय्या आंदोलनाकडे कंपनी प्रशासनाने अद्यापही दुर्लक्ष केल्याचा आरोप आंदोलनकर्त्यांनी केला आहे. चर्चेसाठी कोणताही अधिकृत प्रतिनिधी पुढे न आल्याने आंदोलन आणखी चिघळण्याची शक्यता व्यक्त होत आहे.

🔥 “दत्तक गावांचा विकास कुठे?” – ग्रामस्थांचा सवाल

कंपन्यांनी परिसरातील काही गावे दत्तक घेतली, मात्र प्रत्यक्षात पायाभूत सुविधा, रोजगारनिर्मिती आणि पर्यावरणीय जबाबदारी याबाबत कोणतेही ठोस काम झाले नाही, असा आरोप ग्रामस्थांनी केला आहे.

उलटपक्षी, मोठ्या प्रमाणात उडणारी फ्लाय ॲश, ओव्हरलोड वाहतूक आणि उघड्या ट्रकमधून होणारी अंश वाहतूक यामुळे शेतपिकांचे नुकसान होत असल्याचे शेतकरी सांगत आहेत. डासांचा प्रादुर्भाव, दूषित हवा आणि पाण्यामुळे नागरिकांच्या आरोग्यावर परिणाम होत असल्याची तक्रारही यावेळी करण्यात आली.

📢 आंदोलनकर्त्यांच्या प्रमुख मागण्या

• कंपन्यांमधील परप्रांतीय कामगारांना कमी करून स्थानिक मराठी भूमिपुत्रांना प्राधान्याने नोकऱ्या द्याव्यात.
• प्रकल्पग्रस्त शेतकऱ्यांच्या मुलांना औद्योगिक प्रशिक्षण देऊन कंपनीच्या रोलवर कायमस्वरूपी नोकरी द्यावी.
• प्रदूषणामुळे झालेल्या शेतपिकांच्या नुकसानीची तातडीने भरपाई द्यावी.
• चिनोरा गावातून होणारी ओव्हरलोड व खुल्या ट्रकमधील वाहतूक त्वरित बंद करावी; रस्त्यावर नियमित पाणी मारण्याची व्यवस्था करावी.
• सीएसआर निधीचा संपूर्ण लेखाजोखा सार्वजनिक करावा.
• चिनोरा, सहेगाव, मोहवाळा, निमसा, डोगण्णाव, चसरखती, बनोजा, मायदेव व नाशलील येथील महिला बचत गटांना आर्थिक मदत करून लघुउद्योग उभारणीस सहाय्य करावे.
• स्थानिक विटभट्टी उद्योजक व प्रकल्पग्रस्त वाहनधारकांना क्लाय अंश वाहतुकीस प्रथम प्राधान्य द्यावे.

👥 शेकडो ग्रामस्थांची उपस्थिती

या आंदोलनात मनसे जिल्हा उपाध्यक्ष राजू कुकडे, माजी सरपंच ताई परचाके, सुशीलाताई तेलमारे, निलेश डोंगरकार, छायाताई कोल्हेकर, बाळू गेडाम, सौरभ झाडे, आशिष रोडे, पवन राम, गजानन भोयर, तुळशीदास धानोरकर, त्रिशूल निबूधे, शरद भोयर यांच्यासह शेकडो ग्रामस्थ सहभागी झाले.

तसेच मनसे कामगार सेना जिल्हाध्यक्ष अमन अंधेवार, जनहित जिल्हाध्यक्ष रमेश काळबांधे, विजय तूरक्याल व राज वर्मा यांनी आंदोलनस्थळी भेट देऊन पाठिंबा जाहीर केला.

⚠️ प्रशासन शांत, आंदोलन आक्रमक

स्थानिक प्रशासन व कंपनी व्यवस्थापनाकडून अद्याप कोणतीही ठोस भूमिका स्पष्ट करण्यात आलेली नाही. मात्र, “हक्काचा रोजगार आणि प्रदूषणमुक्त वातावरण मिळेपर्यंत आंदोलन मागे हटणार नाही,” असा इशारा आंदोलनकर्त्यांनी दिला आहे.

वरोरा तालुक्यातील हा संघर्ष आता केवळ रोजगाराचा नसून आरोग्य, पर्यावरण आणि अस्तित्वाचा लढा बनला आहे. पुढील काही दिवसांत प्रशासन काय भूमिका घेते, याकडे सर्वांचे लक्ष लागले आहे.