📰डॉ बाबासाहेब आंबेडकर जयंती निमित्त चंद्रपुरात मद्यविक्री बंद;  प्रशासनाचा कडक निर्णय 

📰 डॉ बाबासाहेबआंबेडकर जयंती निमित्त चंद्रपुरात मद्यविक्री बंद;  प्रशासनाचा कडक निर्णय 

चंद्रपूर :-   डॉ बाबासाहेब आंबेडकर यांच्या जयंतीनिमित्त १४ एप्रिल रोजी जिल्ह्यात मोठ्या उत्साहात कार्यक्रमांचे आयोजन करण्यात येणार आहे. या पार्श्वभूमीवर कायदा व सुव्यवस्था अबाधित राखण्यासाठी प्रशासनाने महत्त्वाचा निर्णय घेतला आहे.

News reporter :- अतुल दिघाडे

जिल्ह्यातील सर्व प्रकारच्या ठोक व किरकोळ मद्यविक्री अनुज्ञप्त्या १४ एप्रिल रोजी पूर्ण दिवसासाठी बंद ठेवण्याचे आदेश जिल्हाधिकारी यांनी जारी केले आहेत. हा आदेश महाराष्ट्र दारुबंदी कायदा १९४९ च्या कलम १४२ (१) अंतर्गत लागू करण्यात आला आहे.

या आदेशानुसार एफएल-१, एफएल-२, सीएल/एफएल/टिओडी-३, एफएलबिआर-२, एफएल-३, सीएल-२, सीएल-३ तसेच टड-१ अशा सर्व प्रकारच्या अनुज्ञप्त्या बंद राहणार आहेत.

राज्य उत्पादन शुल्क विभागाचे अधीक्षक यांनी स्पष्ट केले की, आदेशाचे उल्लंघन करणाऱ्या अनुज्ञप्तीधारकांवर कडक कारवाई करण्यात येईल.

जिल्ह्यात मोठ्या प्रमाणात होणाऱ्या मिरवणुका, सांस्कृतिक कार्यक्रम व सार्वजनिक उत्सव लक्षात घेता, प्रशासनाने हा निर्णय घेतल्याचे सांगण्यात आले आहे. नागरिकांनी प्रशासनाच्या आदेशाचे पालन करून उत्सव शांततेत साजरा करण्याचे आवाहन करण्यात आले आहे.