📰 चंद्रपूर RTO ट्रायलदरम्यान 10 चाकी ट्रक बेकाबू; मोठा अपघात टळला

📰 चंद्रपूर RTO ट्रायलदरम्यान 10 चाकी ट्रक बेकाबू; मोठा अपघात टळला

चंद्रपूर :-  चंद्रपूर येथील प्रादेशिक परिवहन कार्यालय (RTO) मध्ये वाहन चालवण्याच्या ट्रायलदरम्यान एक धक्कादायक प्रकार समोर आला आहे. 10 चाकी ट्रकची ट्रायल सुरू असताना चालकाचे वाहनावरील नियंत्रण सुटल्याने ट्रक अचानक बेकाबू झाला आणि जवळील शिळेवर चढल्याची घटना घडली. या प्रकारामुळे ट्रायल मैदानात एकच खळबळ उडाली.

News reporter :- अतुल दिघाडे

मिळालेल्या माहितीनुसार, RTO कडून जड वाहन परवान्यासाठी ट्रायल घेतली जात होती. त्या वेळी महिला RTO अधिकाऱ्यांच्या उपस्थितीत चालक ट्रक चालवत होता. मात्र अचानक वाहनावरील नियंत्रण सुटल्याने ट्रक वेगाने पुढे जाऊन शिळेवर चढला. सुदैवाने या घटनेत कोणतीही जीवितहानी झाली नाही, त्यामुळे मोठा अपघात टळला.

घटनेनंतर काही काळ परिसरात गोंधळाचे वातावरण निर्माण झाले. उपस्थित कर्मचारी व नागरिकांनी तत्काळ परिस्थिती नियंत्रणात आणली. या घटनेचा व्हिडिओ सोशल मीडियावर व्हायरल होत असून RTO ट्रायल प्रक्रियेतील सुरक्षिततेबाबत प्रश्न उपस्थित केले जात आहेत.

दरम्यान, या प्रकाराबाबत अधिकृत प्रतिक्रिया अद्याप समोर आलेली नसली तरी अशा ट्रायलदरम्यान अधिक काळजी घेण्याची गरज व्यक्त केली जात आहे.