मतांच्या नाही तर नात्यांच्या जोरावर विजय… वडगाव प्रभागाने अजय बलकींवर टाकला विश्वास

मतांच्या नाही तर नात्यांच्या जोरावर विजय… वडगाव प्रभागाने अजय बलकींवर टाकला विश्वास

नवनिर्वाचित नगरसेवक अजय निळकंठराय बलकी यांनी मानले वडगाव प्रभागातील नागरिकांचे आभार…..

चंद्रपूर :-  चंद्रपूर शहर महानगरपालिकेच्या सार्वत्रिक निवडणूक २०२५–२६ मध्ये वडगाव प्रभाग क्रमांक ०८ मधून अजय निळकंठराय बलकी यांची नवनिर्वाचित नगरसेवक म्हणून निवड झाल्यानंतर यांनी प्रभागातील सर्व नागरिकांचे मनःपूर्वक आभार मानले आहेत. प्रचारापासून ते मतदानापर्यंत प्रत्येक टप्प्यावर मतदारांनी दाखवलेले प्रेम, दिलेले आशीर्वाद आणि अमूल्य मतांच्या रूपाने व्यक्त झालेला विश्वास हेच या विजयाचे खरे बळ असल्याची भावना त्यांनी व्यक्त केली.

✍️ News reporter :- अतुल दिघाडे

वडगाव प्रभागातील ज्येष्ठ, महिला, युवक, शेतकरी, कामगार, व्यापारी आणि सर्व समाजघटकांनी दिलेला भक्कम पाठिंबा हा केवळ निवडणुकीपुरता मर्यादित नसून तो विश्वासाचा आणि नात्याचा असल्याचे अजय निळकंठराय बलकी यांनी नमूद केले. “आपल्या प्रेमामुळेच हा राजकीय प्रवास अधिक अर्थपूर्ण ठरला आहे. हा विजय माझा वैयक्तिक नसून, तो वडगावच्या प्रत्येक नागरिकाचा आहे,” असे भावनिक शब्दांत त्यांनी सांगितले,

प्रचाराच्या काळात पावसात, उन्हात, रात्री-अपरात्री सोबत राहून मार्गदर्शन करणारे कार्यकर्ते, मतदार, हितचिंतक आणि शुभेच्छुक यांचा उल्लेख करताना त्यांनी कृतज्ञतेची भावना व्यक्त केली. प्रत्येक घरातून मिळालेला प्रतिसाद, प्रत्येक मतदाराने दाखवलेला विश्वास आणि प्रत्येक शुभेच्छा ही पुढील कार्यकाळासाठी जबाबदारी वाढवणारी असल्याचेही त्यांनी स्पष्ट केले.

नवनिर्वाचित नगरसेवक अजय निळकंठराय बलकी यांनी वडगाव प्रभागाच्या सर्वांगीण विकासासाठी कटिबद्ध राहण्याची ग्वाही दिली. रस्ते, पाणीपुरवठा, स्वच्छता, आरोग्य, शिक्षण, युवकांसाठी संधी, महिलांचे सक्षमीकरण तसेच सामान्य नागरिकांचे प्रश्न न्याय्य पद्धतीने मार्गी लावण्यासाठी सदैव तत्पर राहण्याचा निर्धार त्यांनी व्यक्त केला. “जनतेच्या हक्कांसाठी आवाज उठवणे आणि प्रभागाचा विकास हेच माझे प्रमुख ध्येय राहील,” असे त्यांनी ठामपणे सांगितले.

युवावर्गातील आदर्श मार्गदर्शक, वेगळी ओळख निर्माण करणारे युवा आयडल म्हणून ओळख असलेले अजय निळकंठराय बलकी हे वडगाव प्रभागाचे नगरसेवक म्हणून पदावर कायम राहिले, ही बाबही अनेक नागरिकांसाठी अभिमानाची ठरली आहे. त्यांच्या कार्यशैलीवर विश्वास व्यक्त करत नागरिकांनी भविष्यातही प्रभागाच्या प्रगतीसाठी एकत्र राहण्याचा निर्धार व्यक्त केला आहे.

शेवटी, “वडगाव प्रभागातील प्रत्येक नागरिकाचा मी ऋणी आहे. आपल्या प्रेमाने आणि सहकार्यानेच ही जबाबदारी माझ्या खांद्यावर आली आहे. या विश्वासाला कधीही तडा जाऊ देणार नाही,” असे सांगत त्यांनी पुन्हा एकदा सर्वांचे सविनय आभार मानले.