📰 चंद्रपूर महानगरातील राजकारणात नवा उत्साह माजी नगरसेवक श्री. सुधीर कारंगल यांचा अधिकृत भाजपात प्रवेश

📰 चंद्रपूर महानगरातील राजकारणात नवा उत्साह माजी नगरसेवक श्री. सुधीर कारंगल यांचा अधिकृत भाजपात प्रवेश

चंद्रपूर :-  देशाचे पंतप्रधान मा. श्री नरेंद्र मोदीजी आणि राज्याचे उपमुख्यमंत्री मा. श्री देवेंद्रजी फडणवीस यांच्या सक्षम, विकासाभिमुख नेतृत्वाखाली सुरू असलेल्या विकासयात्रेला आज आणखी एक महत्त्वाचा बळकटीचा स्तंभ जोडला गेला आहे. चंद्रपूर महानगरपालिकेत सलग तीन टर्म नगरसेवक म्हणून उल्लेखनीय, प्रभावी आणि जनपयोगी कामगिरी केलेले माजी नगरसेवक श्री. सुधीर कारंगल यांनी आज भारतीय जनता पक्षात अधिकृत प्रवेश केला.

News reporter :- अतुल दिघाडे

प्रदेशाध्यक्ष मा. श्री रवींद्रजी चव्हाण यांच्या प्रमुख उपस्थितीत आणि त्यांच्या मार्गदर्शनाखाली हा पक्षप्रवेश सोहळा पार पडला.
या प्रवेशामुळे चंद्रपूर महानगरातील भारतीय जनता पक्षाची संघटनात्मक ताकद, जनाधार आणि शहर विकासावरील कटिबद्धता आणखी दृढ होणार असल्याचे राजकीय वर्तुळात सांगितले जात आहे.

कार्यक्रमास भाजपचे जिल्हाध्यक्ष श्री. सुभाष कासनगुटुवार, भाजप चंद्रपूर महानगर; राज्य परिषद सदस्य श्री. तुषार सोम; ज्येष्ठ भाजप नेते श्री. प्रकाश देवतळे; तसेच लोकप्रिय युवा नेता श्री. बंटी गुप्ता यांची उपस्थिती लाभली.
नेत्यांनी श्री. कारंगल यांच्या प्रवेशाचे स्वागत करत, “चंद्रपूरच्या विकासासाठी अनुभवी, भूमिप्रेमी आणि जनसेवेला समर्पित व्यक्ती पक्षात येणे ही पक्षासाठी मोठी ताकद आहे,” अशी प्रतिक्रिया दिली.

श्री. सुधीर कारंगल यांनी आपल्या मनोगतात सांगितले की,
“पंतप्रधान मोदीजींच्या सबका साथ, सबका विकास, सबका विश्वास या धोरणांवर माझा दृढ विश्वास आहे. चंद्रपूरच्या सर्वांगीण विकासासाठी आणि नागरिकांच्या हितासाठी मी भाजपाच्या माध्यमातून आणखी मोठ्या प्रमाणावर कार्य करण्याचा संकल्प करीत आहे.”

चंद्रपूर महानगरातील राजकीय समीकरणांना नवीन दिशा देणारा हा पक्षप्रवेश आगामी काळातील भाजपची संघटनात्मक बांधणी, जनसंपर्क आणि विकास आराखड्याला निश्चितच गती देणारा ठरणार आहे.