नागपूर–चंद्रपूर महानगरपालिका निवडणूक लांबणीवर?

Breaking News ;

 नागपूर–चंद्रपूर महानगरपालिका निवडणूक लांबणीवर?

राजकीय वर्तुळात खळबळ, नागरिकांमध्ये संभ्रम

नागपूर / चंद्रपूर :-  नागपूर आणि चंद्रपूर महानगरपालिकेच्या बहुप्रतिक्षित निवडणुका लांबणीवर पडल्याची अधिकृत माहिती समोर आल्याने राजकीय वर्तुळात मोठी खळबळ उडाली आहे. निवडणुकीसाठी इच्छुक उमेदवार, पक्ष कार्यकर्ते तसेच सामान्य मतदारांमध्ये संभ्रमाचे वातावरण निर्माण झाले आहे.

News reporter :- अतुल दिघाडे

राज्य निवडणूक आयोगाकडून तयारी सुरू असतानाच काही प्रशासकीय व कायदेशीर अडचणी, प्रभाग रचना, मतदार यादीतील सुधारणा तसेच अन्य तांत्रिक बाबींच्या पार्श्वभूमीवर निवडणूक प्रक्रियेला स्थगिती देण्यात आल्याचे सांगितले जात आहे. यामुळे आधीच तयारीला लागलेले राजकीय पक्ष व इच्छुक उमेदवारांना मोठा धक्का बसला आहे.

नागपूर आणि चंद्रपूर ही दोन्ही महानगरपालिका राज्यातील महत्त्वाची शहरे असून, विकासकामे, नागरी सुविधा, पाणीपुरवठा, रस्ते, स्वच्छता आणि रोजगाराच्या दृष्टीने या निवडणुकांकडे नागरिकांचे विशेष लक्ष होते. निवडणूक लांबणीवर गेल्यामुळे अनेक विकासकामांवरही परिणाम होण्याची शक्यता वर्तवली जात आहे.

दरम्यान, नवीन निवडणूक कार्यक्रम लवकरच जाहीर केला जाईल, असे संकेत संबंधित सूत्रांकडून देण्यात आले आहेत. तोपर्यंत सध्याची प्रशासकीय यंत्रणा कार्यरत राहणार असून, नागरिकांच्या दैनंदिन प्रश्नांवर उपाययोजना सुरूच राहतील, असे प्रशासनाकडून स्पष्ट करण्यात आले आहे.

नागपूर व चंद्रपूर शहरातील नागरिकांनी संयम राखावा आणि अधिकृत घोषणेकडे लक्ष ठेवावे, असे आवाहन प्रशासनाच्या वतीने करण्यात आले आहे.
निवडणूक कधी होणार, याबाबतच्या पुढील घडामोडींकडे आता सर्वांचे लक्ष लागले आहे.

ही बातमी गोपनीय सूत्राच्या माहिती आधारे बनवण्यात आली असून या बातमीला पूर्णता सत्य मानल्या जाऊ शकत नाही?