लक्षवेधक : अनियमित लेआउट विकासामुळे नागरिकांची फूस – कारवाईची आवश्यकता
विविध आकर्षक योजनांची आणि सुविधा दाखवून नागरिकांना खुश करण्याचा प्रयत्न नागरिकांच्या विश्वासावर लेआउटधारक कमी व्हॅल्युएशनच्या प्लॉट्सची विक्री जास्त किमतीत?
भाग,3
चंद्रपूर :- चंद्रपूर शहरातील वाढती लोकसंख्या आणि जागेची कमतरता लक्षात घेता, बाहेरच्या गावांमध्ये अनियमित आणि नियमितपणे विविध लेआउट विकसित करण्यात येत आहेत. हे लेआउट धारक विविध आकर्षक योजनांची आणि सुविधा दाखवून नागरिकांना खुश करण्याचा प्रयत्न करतात, मात्र प्रत्यक्षात या योजनांचा काहीच उपयोग होत नाही. नागरिकांच्या विश्वासावर हे लेआउटधारक कमी व्हॅल्युएशनच्या प्लॉट्सची विक्री जास्त किमतीत करत आहेत, ज्यामुळे त्यांना मोठा फायदा होतो.
News reporter :- अतुल दिघाडे
साधारणतः, या लेआउट्समध्ये सिमेंट रोड, नाली, रस्ते, लाईट, डीपी, मंदिर, गार्डन, जिम, स्विमिंग पूल अशा सोयी सुविधा दाखवल्या जातात. मात्र, जेव्हा नागरिक या प्लॉट्स खरेदी करतात, तेव्हा काही महिन्यांनी किंवा वर्षांनी देखील या सुविधांचा काहीच वसा घेतलेला दिसत नाही. रस्ते, लाईट्स, डीपी व गार्डन तर दूरच, मंदिर किंवा स्विमिंग पूलसुद्धा प्रत्यक्षात अस्तित्वात नसतात.
याच्या उलट, नागरिकांवर कमी मूल्य असलेल्या प्लॉट्ससाठी अधिक पैसे उचलले जात आहेत. यावर कोणतीही कारवाई न केल्याने, लेआउट धारकांनी नागरिकांच्या विश्वासाचा गैरवापर केला आहे. लोकांनाही नोकरी अथवा अन्य कारणांमुळे तिथे घरे बांधण्याची इच्छा असते, पण सुविधांचा अभाव असल्याने तेथील वातावरण रहाण्याच्या लायक ठरत नाही.
ही समस्या चंद्रपूरमधील नागरिकांच्या जिव्हाळ्याशी संबंधित आहे. नागरिकांना दाखवण्यात आलेल्या आकर्षक योजना कागदावरच दिसतात, प्रत्यक्षात मात्र त्यांचे अस्तित्व नाही. यावर सक्षम यंत्रणेकडून कारवाई होणे आवश्यक आहे. कारण, त्यावर नियंत्रण ठेवण्यासाठी प्रशासनाचे लक्ष हवे आहे, अन्यथा या धोक्यामुळे नागरिकांची फूस वाढतच राहील.
चंद्रपूर शहरातील नागरिक आता आशा करत आहेत की या परिस्थितीवर कारवाई होईल आणि त्यांचं आर्थिक शोषण थांबवण्यात येईल.
