📰 भाजपातील मतभेदांवर पूर्णविराम; महापौर हटणार नाहीत — हंसराज अहीर यांचा ठाम विश्वास

📰 भाजपातील मतभेदांवर पूर्णविराम; महापौर हटणार नाहीत — हंसराज अहीर यांचा ठाम विश्वास

चंद्रपूर :- चंद्रपूर महानगरपालिकेत भाजपमध्ये सुरू असलेल्या कथित मतभेदांना पूर्णविराम देत, महापौर पदावर कोणताही धोका नसल्याचा ठाम विश्वास माजी केंद्रीय गृह राज्यमंत्री यांनी व्यक्त केला. भाजपचा महापौर व सर्व पदाधिकारी आपला पूर्ण कार्यकाळ पार पाडतील आणि त्यांना कोणीही हटवू शकणार नाही, असे स्पष्ट मत त्यांनी व्यक्त केले.

News reporter :- अतुल दिघाडे

नुकत्याच पार पडलेल्या भाजपच्या महत्त्वपूर्ण बैठकीत नगरसेवक, पदाधिकारी व प्रमुख कार्यकर्त्यांच्या उपस्थितीत अहीर यांनी विरोधकांच्या वक्तव्याचा खरपूस समाचार घेतला. त्यांनी स्पष्टपणे सांगितले की, महानगरपालिकेत भाजप व मित्रपक्षाचे नगरसेवक विकासाच्या मुद्द्यावर एकजूट आहेत आणि उर्वरित कार्यकाळही सक्षमपणे पूर्ण केला जाईल.

बैठकीस भाजपचे ज्येष्ठ नेते विजय राऊत, खुषाल बोंडे, तसेच महापौर यांच्यासह प्रकाष देवतेळे, तुषार सोम, बलराम दोडाणी, सुभाष कासनगोट्टवार, रवि गुरनुले, श्याम कनकम, सविता दंडारे, विनोद शेरकी, राजेंद्र अडपेवार, दशरथसिंग ठाकूर आदी उपस्थित होते.

यावेळी अहीर यांनी पदाधिकाऱ्यांना आवाहन करताना सांगितले की,
“सर्वांनी एकजुटीने काम करत महापौरांच्या पाठीशी ठाम उभे राहावे आणि शहराच्या विकासाला प्राधान्य द्यावे.”

त्यांनी पुढे नमूद केले की, चंद्रपूर महानगरपालिकेत भाजप सक्षमपणे कार्यरत असून विविध विकासकामांना गती दिली जात आहे. विरोधकांनी अनाठायी राजकारण करण्याऐवजी विधायक भूमिका घ्यावी, असा सल्लाही त्यांनी दिला.

या बैठकीत दिनकर सोमलकर, विठ्ठल डुकरे, राजू घरोटे, विकास खटी, पुनम तिवारी, गौतम यादव, प्रदीप किरमे, सुदामा यादव, अॅड. सारिका संदूरकर, भालचंद्र दानव, जितेष कुळमेथे, नितेष गवळी, कुळसंगे, आशा देशमुख, अनुजा तायडे, पुष्पा उराडे, वंदना हातगांवकर, सुधीर कारंगल, विमल काटकर, सायली येरणे, कौसर खान, शशिकांत म्हस्के आदींचीही उपस्थिती होती.

एकूणच, भाजपमधील अंतर्गत मतभेदांच्या चर्चांना या बैठकीतून पूर्णविराम मिळाल्याचे चित्र दिसून आले असून, महापौर पदावर कोणताही बदल होणार नसल्याचा स्पष्ट संदेश देण्यात आला आहे.