🩸 मा. दिनेश दादापाटील चोखारे यांच्या ५० व्या वाढदिवसानिमित्त प्रेरणादायी उपक्रम — जितेंद्र मशारकर यांचे विक्रमी ७६ वे रक्तदान 🩸

🩸 मा. दिनेश दादापाटील चोखारे यांच्या ५० व्या वाढदिवसानिमित्त प्रेरणादायी उपक्रम — जितेंद्र मशारकर यांचे विक्रमी ७६ वे रक्तदान 🩸

चंद्रपूर :-  समाजसेवा ही केवळ बोलण्यात नाही तर कृतीतून दाखवायची असते, याचे जिवंत उदाहरण म्हणजे जितेंद्र रामचंद्र मशारकर त्यांनी दि. १३ मार्च रोजी विक्रमी ७६ वे रक्तदान करून समाजासमोर सेवाभावाचे प्रेरणादायी उदाहरण ठेवले आहे. विशेष म्हणजे हे रक्तदान शेतकरी व कामगार नेते, काँग्रेस पक्षाचे जिल्हा उपाध्यक्ष, कृषी उत्पन्न बाजार समितीचे माजी सभापती तसेच चंद्रपूर जिल्हा मध्यवर्ती बँकेचे संचालक मा. श्री. दिनेश दादापाटील चोखारे यांच्या ५० व्या वाढदिवसानिमित्त समर्पित करण्यात आले.

News reporter :- अतुल दिघाडे

रक्तदान हा केवळ एक सामाजिक उपक्रम नसून तो मानवतेचा उत्सव आहे. एखाद्या रुग्णाला अपघात, शस्त्रक्रिया किंवा गंभीर आजाराच्या वेळी रक्ताची अत्यंत गरज भासते. अशा वेळी रक्तदाते पुढे येऊन दिलेला एक रक्ताचा थेंबही एखाद्या व्यक्तीच्या जीवनात नवसंजीवनी निर्माण करतो. “रक्तदान म्हणजे जीवनदान” ही भावना प्रत्यक्षात उतरवत जितेंद्र मशारकर सातत्याने समाजकार्य करत आहेत.

जितेंद्र मशारकर यांनी आतापर्यंत केलेले ७६ वेळा रक्तदान हे केवळ एक विक्रम नसून समाजातील तरुणांसाठी प्रेरणादायी संदेश आहे. आजच्या तरुण पिढीनेही रक्तदानाबाबत जागरूक होऊन वर्षातून किमान तीन ते चार वेळा रक्तदान करण्याचा संकल्प करावा, असा संदेश त्यांनी या माध्यमातून दिला आहे. त्यांच्या या उपक्रमामुळे अनेक तरुण रक्तदानासाठी पुढे येत असल्याचेही दिसून येत आहे.

या रक्तदान प्रसंगी रक्त संक्रमण अधिकारी प्रेमचंद सर, कोमल मॅडम, प्रसाद आबादार, भैरव दिवसे व मुबारक शेख यांची उपस्थिती लाभली. उपस्थितांनी मशारकर यांच्या या सेवाभावी कार्याचे मनापासून कौतुक केले आणि त्यांच्या पुढील समाजकार्याला शुभेच्छा दिल्या.

समाजातील प्रत्येक व्यक्तीने रक्तदानाचे महत्त्व ओळखून पुढे आले, तर अनेक गरजू रुग्णांना वेळेवर रक्त मिळू शकते. त्यामुळे भीती आणि गैरसमज बाजूला ठेवून रक्तदानासाठी पुढाकार घेणे ही काळाची गरज आहे.

जितेंद्र मशारकर यांनी केलेले हे विक्रमी रक्तदान समाजातील सेवाभावी कार्याला नवी दिशा देणारे असून समाजसेवेची ही ज्योत अशीच अखंड पेटती राहो, अशी भावना उपस्थितांनी व्यक्त केली.

“रक्तदान_जीवनदान समाजसेवा” “BloodDonation SaveLife” 🩸🙏