🛑 ब्रेकिंग न्यूज : चंद्रपूरातील नामांकित कॉलेजमध्ये धक्कादायक घटना

होस्टेल वॉर्डन कडून दिल्या जाणाऱ्या कथित त्रासामुळे 17 वर्षीय विद्यार्थ्याची गळफास घेऊन आत्महत्त्या. शिक्षण क्षेत्रात खळबळ..

चंद्रपूर :- चंद्रपूर शहरातील एका नामांकित आणि मोठ्या विद्यार्थ्यांची संख्या असलेल्या कॉलेजमध्ये आज सकाळी घडलेल्या प्रकारामुळे संपूर्ण जिल्ह्यात खळबळ उडाली आहे. शिक्षणासाठी होस्टेलमध्ये राहणाऱ्या प्रथमेश गुलाब चौधरी (वय 17, रा. धानोरी पिपरी, जिल्हा चंद्रपूर) या विद्यार्थ्याने होस्टेल रूममध्ये गळफास घेऊन आत्महत्या केल्याची खळबळजनक माहिती समोर आली आहे.

News reporter :- अतुल दिघाडे

प्रथमेश हा शेतमजूर कुटुंबातील मुलगा. आई–वडिलांनी कष्टाच्या पैशातून त्याला मोठ्या आशेने शहरातील प्रसिद्ध कॉलेजमध्ये पाठवले होते. मुलगा मोठा होईल, अधिकारी बनेल, आमचं आयुष्य उजळेल!”  या आशेत असणाऱ्या आई वडिलांचे आज सकाळी घडलेल्या घटनेने  स्वप्ने उद्ध्वस्त झाले

🏚️ घटना कशी घडली?

मिळालेल्या प्राथमिक माहितीनुसार, प्रथमेश हा कॉलेजच्या होस्टेलमध्ये आपल्या काही मित्रांसोबत राहत होता.
आज 20 नोव्हेंबर 2025 रोजी सुमारे सकाळी 10.30 ते 11,00 च्या दरम्यान, त्याने नायलॉन दोरीच्या सहाय्याने पंख्याला लटकून आत्महत्या केली असल्याचे सांगितले जाते.

होस्टेल वॉर्डर “#####” नावाच्या व्यक्तीकडून सतत मानसिक त्रास दिला जात असल्याची चर्चा विद्यार्थ्यांमध्ये होत असून, त्यासंदर्भात विद्यार्थ्याने एक सुसाईड नोट लिहली असल्याचा दावा काही सहविद्यार्थ्यांनी आणि परिसरातील लोकांनी केला आहे. तथापि सुसाईड नोटची सत्यता आणि त्यातील मजकूर पोलिस तपासानंतरच स्पष्ट होणार आहे.

⚠️ कायमच वादात असलेले शहरातील काही होस्टेलवर रडारवर?

गेल्या काही वर्षांपासून शहरातील काही खाजगी वसतिगृहांमध्ये विद्यार्थ्यांवर होणारा मानसिक ताण, दबाव, मारहाण, त्रास यासारख्या घटनांची चर्चा अधूनमधून होतेच.विद्यार्थ्यांचं भविष्य घडवण्यासाठी बांधलेली होस्टेल्स काही वेळा सुरक्षिततेबाबत प्रश्न उपस्थित करत आहेत.

आजची घटना याच मुद्द्यावर पुन्हा गंभीर चर्चा पेटवणारी ठरत आहे.

👮 पोलिसांचे काय पाऊल? नागरिकांचे प्रश्न अनुत्तरित

घटनेची माहिती मिळताच पोलिसांनी घटनास्थळी धाव घेतली. पंचनामा करण्यात आला असून अकस्मात मृत्यूची नोंद (AD) करण्यात आली आहे.
तथापि नागरिकांमध्ये नाराजी आणि प्रश्न निर्माण झाले आहेत—

• ● विद्यार्थ्याला त्रास देणाऱ्यांवर तत्काळ कारवाई होईल का?

• ● वॉर्डवर गुन्हा दाखल होणार का?

• ● की प्रकरण “साधा आत्महत्या” म्हणूनच दाबण्याचा प्रयत्न होईल?

• ● सुसाईड लेटरमधील माहिती तपासात गांभीर्याने घेतली जाईल का?

नागरिकांच्या मते, “विद्यार्थ्यांनी वारंवार त्रासाबाबत तक्रारी देऊनही कुठलीही कार्यवाही होत नाही” असे आरोपही होत आहेत.

पोलिसांनी मात्र तपास सुरू असल्याचे सांगत कोणत्याही निष्कर्षावर न येण्याचे आवाहन केले आहे.

🕯️ कुटुंबावर दु:खाचा डोंगर

शेतमजूर कुटुंबातील प्रथमेश हा घरातील आशेचा किरण होता.
मोठी स्वप्ने, मोठ्या अपेक्षा, पण शहरातल्या होस्टेलमध्ये काय घडत होते याची कल्पनाही कुटुंबाला नव्हती.

आई–वडिलांची अवस्था पाहून परिसरातील लोकांचे डोळे पाणावले.
प्रथमेशचे मित्रही धक्क्यात असून होस्टेल प्रशासनाविरोधात ताशेरे ओढत आहेत.

📌 सध्या तपास सुरू… नागरिकांचे लक्ष पोलिस चौकशीकडे

ही घटना केवळ एका विद्यार्थ्याच्या मृत्यूची नाही तर विद्यार्थ्यांच्या सुरक्षेवर उठलेल्या मोठ्या प्रश्नांची आहे.
संपूर्ण प्रकरणाची सत्यता तपासातून समोर येईल.

नागरिक, पालक, व समाजमाध्यमांवर चर्चा करणाऱ्या तरुणांचे लक्ष आता पोलिस प्रशासन कोणती ठोस कारवाई करते याकडे लागले आहे.