📰 चंद्रपूर जिल्हा भोई समाज सेवा संघातर्फे विदर्भस्तरीय उपवर युवक–युवती परिचय मेळाव्याचे भव्य आयोजन

📰 चंद्रपूर जिल्हा भोई समाज सेवा संघातर्फे विदर्भस्तरीय उपवर युवक–युवती परिचय मेळाव्याचे भव्य आयोजन

चंद्रपूर :-  भोई समाजाच्या सर्वांगीण प्रगतीसाठी नेहमीच पुढाकार घेणारा चंद्रपूर जिल्हा भोई समाज सेवा संघ, चंद्रपूर यांच्यातर्फे तसेच सर्व अंतर्गत शाखांच्या संयुक्त विद्यमाने उपवर युवक–युवती परिचय मेळावा भव्य प्रमाणात आयोजित करण्यात आला आहे. हा मेळावा रविवार दिनांक ०७ डिसेंबर २०२५ रोजी सकाळी ११.३० वाजता प्रतिष्ठित जतिरामजी बर्वे सभागृह, एकलव्य मुलांचे वसतिगृह, रेंजर कॉलेज समोर, मूल रोड, चंद्रपूर येथे होत आहे.

News reporter :- अतुल दिघाडे

भोई समाजातील उपवर युवक-युवती, विवाह इच्छुक विधूर-विधवा, घटस्फोटित तसेच अपंग बांधवांसाठी हा मेळावा सुवर्णसंधी ठरणार असून समाज बांधवांमध्ये मोठा उत्साह पाहायला मिळत आहे. ५००/- रुपये ऑनलाईन भरल्यास स्मरणिका मोफत देण्यात येणार असल्याची माहिती आयोजकांनी दिली आहे.

याशिवाय जलाशयात बुडणाऱ्यांना वाचविणारे शूर वीर, विविध क्षेत्रात विशेष पुरस्कारप्राप्त व्यक्ती, नवनिर्वाचित लोकप्रतिनिधी तसेच पीएच.डी. प्राप्त व्यक्तींचा विशेष सत्कार करण्यात येणार आहे. इच्छुकांनी मेळाव्यापूर्वी तीन दिवस अगोदर प्रमाणपत्र सादर करावे, असे आवाहन करण्यात आले आहे. विवाह जुळणाऱ्यांसाठी विवाहाची मोफत सोय आयोजकांकडून करण्यात आली आहे. समाज एकता आणि सेवा यांची ही उपक्रमयोजना सर्वांसाठी प्रेरणादायी ठरणार आहे.

✨ प्रमुख मान्यवर

या कार्यक्रमाला विविध क्षेत्रातील मान्यवरांची उपस्थिती लाभणार आहे. त्यामध्ये

★कार्यक्रम अध्यक्ष🔹 मा. कृष्णाजी नागपुरे – अध्यक्ष, चंद्रपूर जिल्हा भोई समाज सेवा संघ

★ उद्घाटक🔹 मा. किशोरभाऊ जोरगेवार – आमदार, चंद्रपूर विधानसभा

प्रमुख अतिथी

🔹 मा. चंद्रलालजी मेश्राम – निवृत्त न्यायाधीश व माजी सदस्य, मागासवर्गीय आयोग

🔹 मा. गजाननराव कामडे – संचालक, भू-विज्ञान व खनिकर्म संचालनालय, महाराष्ट्र

🔹 मा. शालूताई कोल्हे – तलाव वाचवणारी निसर्गकन्या, निमगाव (जि. गोंदीया) मेळाव्याच्या यशस्वीतेसाठी समाजातील सर्व बांधवांनी मोठ्या संख्येने उपस्थित राहावे, असे आवाहन आयोजकांनी केले आहे.

असे प्रसिद्धी प्रमुख संतोष गर्गेलवार यांनी कळविले आहे.