📰 नेहमीप्रमाणे यावेळीपण वादात अडकली मनपा आमसभा; आपसी आरोप-प्रत्यारोपात ५ ठराव मंजूर

📰 नेहमीप्रमाणे यावेळीपण वादात अडकली मनपा आमसभा; आपसी आरोप-प्रत्यारोपात ५ ठराव मंजूर

⚖️ सफाई कामगारांच्या कंत्राटावरून गदारोळ

चंद्रपूर :- चंद्रपूर महानगरपालिकेची सर्वसाधारण सभा यावेळीपण नेहमीच्या पद्धतीप्रमाणे वादविवाद, आरोप-प्रत्यारोप आणि गदारोळातच पार पडली. विकासकामांवरील चर्चेपेक्षा सत्ताधाऱ्यांतील आपसी मतभेद आणि राजकीय आरोपांनीच सभागृहाचे वातावरण तापले. या सर्व गोंधळात अखेर पाच ठरावांना मंजुरी देण्यात आली.

News reporter :- अतुल दिघाडे

महापौर संगीता खांडेकर यांच्या अध्यक्षतेखाली पार पडलेल्या या सभेला आयुक्त अकुनुरी नरेश, उपमहापौर प्रशांत दानव, स्थायी समिती सभापती मनस्वी गिन्हे यांच्यासह पदाधिकारी व नगरसेवक उपस्थित होते. दुपारी १ वाजता सुरू झालेल्या या सभेत सुरुवातीपासूनच वादाची ठिणगी पडली.

⚖️ सफाई कामगारांच्या कंत्राटावरून गदारोळ

अतिरिक्त १५० कंत्राटी सफाई कामगारांच्या मंजुरीच्या प्रस्तावावरून सत्ताधाऱ्यांमध्येच दोन गट पडले. झोन क्र. १, २ व ३ साठी संत मीराबाई सेवा सहकारी संस्थेमार्फत मनुष्यबळ पुरवण्याच्या मुद्द्यावरून जोरदार खडाजंगी झाली.

जोरगेवार समर्थक नगरसेवकांनी निविदेवर आक्षेप घेतला, तर मुनगंटीवार समर्थकांनी प्रस्तावाच्या समर्थनात आक्रमक भूमिका घेतली. स्वच्छता विभागात कामगारांची कमतरता असल्याचे कारण देत दरमहा सुमारे ४७ लाख रुपयांच्या खर्चाला मंजुरी देण्यात आली. नगरसेवक सुभाष कासनगोट्टतार यांनी या निविदेवर तीव्र हरकती नोंदवल्या.

⏳ नामनिर्देशित सदस्यांचा विषय पुन्हा प्रलंबित

सभेत नामनिर्देशित सदस्यांच्या नियुक्तीचा मुद्दा पुन्हा एकदा टाळण्यात आल्याने विरोधकांनी आक्षेप घेतला. महानगर आघाडीचे गटनेते पप्पू देशमुख यांनी महापौरांवर वैधानिक कर्तव्याकडे दुर्लक्ष केल्याचा आरोप करत नगरविकास विभागाकडे तक्रार केल्याचे सांगितले.

💧 ९२ कोटींच्या विकास आराखड्याला मंजुरी

सभेत १५ व्या वित्त आयोगांतर्गत मिळणाऱ्या निधीतून पाणीपुरवठा व घनकचरा व्यवस्थापनासाठी एकूण ९१ कोटी ८५ लाख रुपयांचा प्रस्ताव मंजूर करण्यात आला. यामध्ये दोन्ही विभागांसाठी प्रत्येकी सुमारे ५० टक्के निधी खर्च करण्यात येणार आहे.

📌 सभेतील ठळक मुद्दे

नेहमीप्रमाणे वादविवादात अडकली आमसभा, सत्ताधाऱ्यांतच आपसी संघर्ष उघड, सफाई कामगारांच्या कंत्राटावरून गोंधळ, नामनिर्देशित सदस्यांचा विषय रखडला गदारोळात ५ ठराव मंजूर.

🗞️ :-
चंद्रपूर मनपाच्या आमसभेत पुन्हा एकदा विकासाच्या मुद्द्यांपेक्षा राजकीय वादच अधोरेखित झाले. सततच्या आरोप-प्रत्यारोपामुळे शहराच्या विकासाच्या कामांवर परिणाम होण्याची शक्यता व्यक्त होत असून, नागरिकांमध्ये नाराजीचे वातावरण निर्माण झाले आहे.