📰 वाद सोडवायला गेलेल्या रविकांतची हत्या; गांधी चौकात रक्तरंजित घटना

📰 वाद सोडवायला गेलेल्या रविकांतची हत्या; गांधी चौकात रक्तरंजित घटना

चंद्रपुरात प्रथमच 14 एफ्रिला घडली धक्कादायक घटना

चंद्रपूर, दि. 14 एप्रिल:- च्या उत्सवात चंद्रपूर शहरातील गांधी चौकात घडलेल्या खुनाच्या घटनेने खळबळ उडाली आहे. रॅलीदरम्यान झालेल्या किरकोळ वादातून एका युवकाची चाकूने हत्या करण्यात आली.

News reporter :- अतुल दिघाडे

मिळालेल्या माहितीनुसार, शहरातील विविध भागातून काढण्यात आलेल्या भव्य रॅली रात्री गांधी चौकात पोहोचल्या. इंदिरा नगर येथील भीमरत्न बहुद्देशीय युवा संस्थेच्या रॅलीदरम्यान डीजेच्या तालावर नाचताना काही युवकांमध्ये धक्काबुक्की झाली. या वादाचे रूपांतर हाणामारीत झाले.

दरम्यान, वाद मिटविण्याचा प्रयत्न करणारे रविकांत टेम्बुरकर (वय 36) यांच्यावर काही युवकांनी चाकूने हल्ला केला. गंभीर जखमी अवस्थेत त्यांना रुग्णालयात नेले जात असताना वाटेतच त्यांचा मृत्यू झाला.

या घटनेत अनिकेत गलबले हा युवक जखमी झाला असून त्याच्यावर उपचार सुरू आहेत.

घटनेनंतर उपस्थित नागरिकांनी एका आरोपीला पकडून पोलिसांच्या स्वाधीन केले. स्थानिक गुन्हे शाखेने तत्काळ कारवाई करत या प्रकरणात एकूण 5 आरोपींना अटक केली आहे.

या घटनेमुळे शहरात भीतीचे वातावरण निर्माण झाले असून, उत्सवात युवकांकडे शस्त्रे कशी आली याबाबत गंभीर प्रश्न उपस्थित होत आहेत. पोलिसांकडून पुढील तपास सुरू आहे.