📰 समाजाभिमुख उपक्रमातून मानवतेचा संदेश — चंद्रपूर मनपा पाणीपुरवठा विभागातील कामगारांचा आदर्श पुढाकार

📰 समाजाभिमुख उपक्रमातून मानवतेचा संदेश — चंद्रपूर मनपा पाणीपुरवठा विभागातील कामगारांचा आदर्श पुढाकार

दि. ११ एप्रिल महात्मा जोतिबा फुले जयंती तसेच १४ एप्रिल डॉ बाबासाहेब आंबेडकर जयंतीचे औचित्य साधून, जिल्हा सामान्य रुग्णालय, चंद्रपूर येथे रुग्ण व त्यांच्या नातेवाईकांना बिस्कीट वाटप

चंद्रपूर :- समाजातील वंचित घटकांप्रती आपली बांधिलकी जपत, चंद्रपूर महानगरपालिकेच्या पाणीपुरवठा विभागातील पंप ऑपरेटर व व्हॉल्वमन कर्मचाऱ्यांनी एक अत्यंत स्तुत्य व प्रेरणादायी उपक्रम राबविला. दि. ११ एप्रिल महात्मा जोतिबा फुले जयंती तसेच १४ एप्रिल डॉ बाबासाहेब आंबेडकर जयंतीचे औचित्य साधून, जिल्हा सामान्य रुग्णालय, चंद्रपूर येथे रुग्ण व त्यांच्या नातेवाईकांना बिस्कीट वाटप करण्यात आले.

News reporter :- अतुल दिघाडे

या उपक्रमाद्वारे रुग्णालयात उपचार घेत असलेल्या गरजू रुग्णांना व त्यांच्या कुटुंबीयांना थोडासा दिलासा मिळावा, या हेतूने कर्मचाऱ्यांनी स्वतःहून पुढाकार घेतला. रुग्णालय परिसरात उपस्थित असलेल्या अनेकांनी या उपक्रमाचे मनापासून स्वागत केले व कर्मचाऱ्यांचे कौतुक केले.

याचबरोबर, समाजसुधारक आणि भारतीय राज्यघटनेचे शिल्पकार डॉ बाबासाहेब आंबेडकर यांच्या विचारांचा प्रसार व्हावा या उद्देशाने रुग्णालयाला त्यांच्या आकर्षक व प्रेरणादायी छायाचित्रांचे (पोस्टर) भेट देण्यात आले. हे फोटो रुग्णालयाच्या परिसरात लावण्यात आले असून, येणाऱ्या प्रत्येक व्यक्तीला त्यांच्या महान कार्याची आठवण करून देणार आहेत.

या उपक्रमामुळे केवळ जयंती साजरी करण्यापुरते मर्यादित न राहता, सामाजिक जाणीव व मानवतेचा संदेश देण्याचा प्रयत्न करण्यात आला. “समाजासाठी काहीतरी करण्याची भावना असेल, तर कोणतेही कार्य मोठे किंवा लहान नसते,” हा संदेश या उपक्रमातून अधोरेखित झाला.

चंद्रपूर मनपा पाणीपुरवठा विभागातील कामगार अभिप्राय कवाडे, शंकर दुधवाने,, हर्ष चौधरी, नागेश मेश्राम, आचलं करमरकर, यांनी एकत्र येत केलेल्या या उपक्रमामुळे समाजात सकारात्मक ऊर्जा निर्माण झाली असून, अशा प्रकारचे उपक्रम इतरांनीही राबवावेत, अशी अपेक्षा व्यक्त केली जात आहे.

— समाजसेवेचा हा सुंदर उपक्रम खरंच अनुकरणीय ठरतो आहे.