चंद्रपूर : तिकीट वाटपातील गोंधळ काँग्रेसच्या पराभवाचे कारण!
चंद्रपूर :- चंद्रपूर विधानसभा निवडणुकीत काँग्रेसला लागलेला पराभव तिकीट वाटपाच्या गोंधळामुळे झाला, अशी प्रतिक्रिया पक्षाच्या कार्यकर्त्यांमध्ये उमठत आहे. या निवडणुकीत काँग्रेसला जागा जिंकण्याची संधी होती, मात्र योग्य उमेदवारांची निवड न करता, पक्षाच्या आंतरकलह आणि गोंधळामुळे काँग्रेसला मोठा फटका बसला.
News reporter :- अतुल दिघाडे
काँग्रेसचे ज्येष्ठ नेते विजय वडेट्टीवार, खासदार प्रतिभा धानोरकर आणि जिल्हाध्यक्ष सुभाष धोटे यांच्यावर तिकीट वाटपात झालेल्या गोंधळाचे आरोप आहेत. पक्षाच्या कार्यकर्त्यांचे म्हणणे आहे की, या नेत्यांनी योग्य उमेदवारांची निवड केली असती, तर काँग्रेसला विजयी होणे शक्य होते. विशेषत: विजय वडेट्टीवार यांच्या नेतृत्वाखाली ब्रम्हपुरी मतदारसंघात काँग्रेसला विजय मिळवता आला, मात्र इतर ठिकाणी पक्षाला पराभवाचा सामना करावा लागला.
वरोरा मतदारसंघात खासदार धानोरकर यांच्या लाडक्या भाऊ प्रवीण काकडे यांना उमेदवारी देण्यात आली होती, परंतु काकडे यांची निवडणूक लढवण्याची क्षमता अत्यंत कमी होती. त्यांना उमेदवारी देणे काँग्रेसच्या पक्षधोरणाशी विसंगत ठरले आणि मतदारसंघात त्यांचा पराभव निश्चित झाला. यावरून एक गोष्ट स्पष्ट झाली की, पक्षाने त्यांच्या वैयक्तिक नातेसंबंधांपेक्षा, उमेदवाराची निवड कौशल्य, जनाधार आणि लढवय्यता या निकषावर केली असती तर काँग्रेसला मोठा फायदा झाला असता.
तसेच, खासदार धानोरकर आपल्या भावाच्या प्रचारात इतके व्यस्त होत्या की इतर मतदारसंघांत प्रचार करणे त्यांना शक्य झाले नाही. यामुळे इतर काँग्रेस उमेदवारांवर प्रचाराची कमतरता राहिली आणि त्यामुळे पक्षाच्या कार्यकर्त्यांमध्ये असंतोष पसरला.
बल्लारपूर आणि राजुरा मतदारसंघातही काँग्रेसच्या तिकीट वाटपामुळे नाराजी पसरली. बल्लारपूरमध्ये हिंदी भाषिक संतोष सिंह रावत यांना उमेदवारी देण्यात आली, ज्यामुळे डॉ. अभिलाषा गावतुरे यांच्या समर्थकांमध्ये असंतोष निर्माण झाला. गावतुरे यांच्या बंडखोरीने काँग्रेसच्या संधींवर पाणी सोडले. राजुरा मतदारसंघात सुभाष धोटे यांच्या नेतृत्वामुळे पक्षाच्या आतच नाराजी होती, आणि त्याच नाराजीचा फटका धोटेंना आणि काँग्रेसला बसला.
तिकीट वाटपात झालेल्या या घोळामुळे काँग्रेसच्या विजयाच्या शक्यतांवर गंभीर परिणाम झाला. पक्षाच्या कार्यकर्त्यांचे स्पष्ट मत आहे की, उमेदवार कोणतेही असो, काँग्रेसला एकत्र काम करून आणि एक सकारात्मक दृष्टिकोन ठेवूनच विजय मिळवता येऊ शकतो. उमेदवारांची निवड फक्त नातेसंबंधावर किंवा व्यक्तिगत पातळीवर न करता, त्यांची निवड जनतेतील लोकप्रियता आणि कार्यक्षमता यांच्या आधारावर केली पाहिजे.
काँग्रेसच्या नेत्यांनी या अपयशातून शिकून आगामी निवडणुकीसाठी धोरणात्मक बदल करणे अत्यंत आवश्यक आहे. पक्षाने उमेदवारांची योग्य निवड आणि एकजुटीच्या मुद्द्यावर लक्ष केंद्रित केले, तर आगामी निवडणुकीत विजय मिळवण्याची संधी निश्चितच निर्माण होईल, असे पक्षाचे पदाधिकारी आणि कार्यकर्ते मानतात.
आता काँग्रेसला आपल्या गोंधळात सापडलेल्या तिकीट वाटपाच्या धोरणात आवश्यक बदल करणे, कार्यकर्त्यांमध्ये विश्वास निर्माण करणे आणि आगामी निवडणुकीत पक्षाला विजयी बनवण्यासाठी एक सकारात्मक व सामूहिक दृष्टिकोन घेणे अत्यंत महत्त्वाचे आहे.
