🚆 चंद्रपूर रेल्वे स्थानकावर मानवतेचा झरा!

🚆 चंद्रपूर रेल्वे स्थानकावर मानवतेचा झरा!

चंद्रपूर रेल्वे प्रवासी सेवा संस्थेचा जलजीरा व जलसेवा उपक्रम; शेकडो प्रवाशांची तहान भागवून दिला सेवाभावाचा संदेश

चंद्रपूर :- उन्हाळ्याची तीव्रता दिवसेंदिवस वाढत असताना रेल्वेने दूरवरून प्रवास करणाऱ्या प्रवाशांना उष्णतेचा मोठा सामना करावा लागत आहे. अनेक प्रवासी दीर्घ प्रवासामुळे थकून जातात, तर काहींची प्रकृतीही बिघडते. अशा परिस्थितीत प्रत्येक प्रवासी आर्थिकदृष्ट्या सक्षम असेलच असे नाही. काहींना साधी पिण्याच्या पाण्याची बाटली खरेदी करणे देखील कठीण होते.

News reporter :- अतुल दिघाडे

याच सामाजिक जाणिवेतून आणि सेवाभावातून चंद्रपूर रेल्वे प्रवासी सेवा संस्था यांच्या वतीने चंद्रपूर रेल्वे स्थानकावर जलजीरा व शीतल पिण्याच्या पाण्याचे मोफत वाटप करण्यात आले. स्थानकावर उपस्थित असलेल्या तसेच रेल्वेतून येणाऱ्या-जाणाऱ्या शेकडो प्रवाशांना प्रेमाने व आपुलकीने जलजीरा आणि थंड पिण्याचे पाणी वितरित करण्यात आले.

या उपक्रमामुळे उष्णतेने त्रस्त असलेल्या प्रवाशांना मोठा दिलासा मिळाला. अनेक प्रवाशांनी संस्थेच्या या सामाजिक उपक्रमाचे कौतुक करत आयोजकांचे आभार मानले.

या सेवाकार्यामागील प्रेरणादायी संकल्पना आणि मार्गदर्शनासाठी संस्थेचे माननीय श्री. दामोदरजी मंत्री यांचे विशेष अभिनंदन करण्यात येत आहे. त्यांच्या सामाजिक बांधिलकीच्या विचारातून आणि जनसेवेच्या भावनेतून हा लोकहिताचा उपक्रम यशस्वीपणे पार पडला.

विशेष म्हणजे हा सेवा उपक्रम पुढील रविवारी दि. ७ जून २०२६ रोजी देखील आयोजित करण्यात येणार असून, समाजातील सेवाभावी नागरिकांनी या उपक्रमात सहभागी होऊन स्वयंसेवक म्हणून आपले योगदान द्यावे, असे आवाहन संस्थेच्या वतीने करण्यात आले आहे.

“सेवा हीच खरी मानवता, सेवा हाच सर्वोच्च धर्म.” या विचाराने प्रेरित होऊन संस्था सातत्याने समाजोपयोगी कार्य राबवत असून भविष्यातही अशाच विविध लोकहितकारी उपक्रमांचे आयोजन करण्यात येणार आहे.